عايز تعرف شحنتك هتتكلّف كام قبل ما تيجي الفرع؟ تقدر تسأل ChatGPT ويرد عليك بسعر جودي كارجو الحقيقي النهارده، بالدرهم، ومعاه مدة التوصيل ولينك تحجز منه.
الطريقة في 3 خطوات
- افتح ChatGPT على موبايلك أو الكمبيوتر (الحساب المجاني ينفع).
- اكتب سؤالك عادي، بس ابدأه بالجملة دي: «ادخل على joudicargo.com/rates». مثلاً:
ادخل على joudicargo.com/rates وقولّي بكام أشحن كرتونة 5 كيلو من دبي لمصر
- هيرد عليك بكل الأسعار المتاحة (أرامكس وفيدكس)، وأرخص واحد فيهم، ولينك تحجز منه على طول.
أمثلة تكتبها زي ما هي
- ادخل على joudicargo.com/rates وقولّي بكام أبعت ورق نص كيلو للسعودية
- ادخل على joudicargo.com/rates وقولّي سعر شنطة هدوم 10 كيلو للأردن
- ادخل على joudicargo.com/rates وقولّي أرخص طريقة أشحن طرد 2 كيلو لبريطانيا
غيّر الوزن والبلد حسب شحنتك. وبتشتغل بنفس الطريقة مع Gemini وPerplexity وClaude.
عشان السعر يطلع مظبوط
- قول الوزن: لو مش متأكد، قول وزن تقريبي.
- قول ورق ولا كرتونة: الورق والمستندات ليها سعر غير الطرود.
- الكرتونة الكبيرة الخفيفة (هدوم، مخدات، لعب): قول مقاسها كمان، لأن شركات الشحن بتحسبها على حجمها مش وزنها بس. مثلاً: «كرتونة 3 كيلو مقاسها 50×40×30».
طريقة أسهل: ضيف جودي كارجو لـ ChatGPT أو Claude
لو بتسأل عن أسعار الشحن كتير، تقدر تضيف جودي كارجو كتطبيق جوه ChatGPT أو Claude مرة واحدة. بعدها تسأل بالكلام العادي من غير ما تكتب اسم الموقع: «بكام أبعت ورق نص كيلو من دبي للكويت؟».
في ChatGPT (من الكمبيوتر):
- افتح الإعدادات Settings، وبعدها Apps & Connectors.
- من Advanced settings شغّل Developer mode.
- اضغط Create، واكتب الاسم Joudi Cargo، وفي خانة الرابط حط:
https://joudicargo.com/api/mcp
واختار No authentication (من غير تسجيل دخول)، واحفظ. - في أي شات جديد، اضغط + واختار Joudi Cargo، واسأل.
في Claude: الإعدادات Settings ← Connectors ← Add custom connector ← نفس الرابط.
الإضافة دي مش متاحة على كل الحسابات (غالباً مش موجودة في الحساب المجاني)، ولو مش لاقيها عندك استخدم الطريقة الأولى، بتدّيك نفس السعر. التطبيق بيجيب الأسعار بس — مش بيطلب منك أي بيانات شخصية ولا بيعمل حجز.
السعر ده نهائي؟
ده نفس السعر اللي بيطلعلك في حاسبة الأسعار على موقعنا، لما تسلّم الشحنة في أي فرع من فروعنا في الإمارات. لو عايزنا نستلمها من بيتك، فيه رسوم بسيطة بتظهرلك وقت الحجز. والجمارك في البلد اللي رايحلها الشحنة مش داخلة في السعر.
بتستورد للإمارات، أو عندك حاوية، أو شحن بري لمصر وسوريا؟ كلّمنا واتساب وهنسعّرلك.